Брытанская разведка заявіла пра магчымае знішчэнне чыгуначнага злучэння паміж Херсонам і Крымам
Чыгунка з анексаванага Крыма ў акупаваны Херсон, хутчэй за ўсё, моцна пацярпела ў выніку падрыву ўкраінцамі расійскага складу з боепрыпасамі, гаворыцца ў рэгулярнай ранішняй зводцы брытанскай разведкі.
На рамонт спатрэбіцца некалькі дзён, у гэты час расійскія пазіцыі на поўдні Украіны будуць адрэзаныя ад забеспячэння з Крыма.
У справаздачы таксама гаворыцца, што паромная пераправа ля пашкоджанага Антонаўскага моста цераз Дняпро, якую расійская акупацыйная адміністрацыя запусціла для мясцовага насельніцтва ў Херсоне, хутчэй за ўсё, будзе выкарыстаная і для перакідвання і забеспячэння войскаў.
Брытанцы чакаюць узмацнення адтоку бежанцаў з акупаванага Херсона з-за баёў і недахопу харчавання, што можа ўзмацніць нагрузку на транспартную сетку і прывесці да абмежаванняў на перамяшчэнне людзей.