«Белпошта» папярэдзіла пра новы від махлярства
Усё часцей беларусам тэлефануюць невядомыя і паведамляюць, што на іх імя прыйшла пасылка з накладным плацяжом ад інтэрнэт-крамы. У чалавека патрабуюць неадкладна забраць пасылку і зрабіць плацеж.
«Белпошта» звяртае ўвагу на тое, што пра паступленне пасылак кліентаў інфармуюць праз паведамленні у viber/sms або з дапамогай папяровага квітка ў абаненцкую паштовую скрыню.
Пры адпраўцы паведамленняў у viber/sms адпраўніком указваецца «belpost.by».
Адначасова ў «Белпошце» адзначылі, што не інфармуюць адрасатаў з дапамогай тэлефонных званкоў аб наяўнасці паштовага адпраўлення і не патрабуюць яго абавязковага і тэрміновага атрымання.
Адрасат мае права адмовіцца ад атрымання пасылкі.