«Медуза»: Далучэнне да Расіі падтрымліваюць толькі 30% жыхароў акупаваных тэрыторый
Як паведамляе выданне «Медуза», на замову Крамля на акупаваных тэрыторыях Украіны правялі сацапытанне адносна «далучэння да Расіі». І ягоныя вынікі Крэмль не радуюць.
Два суразмоўцы, блізкія да Адміністрацыі прэзідэнта Расійскай Федэрацыі, расказалі выданню, што ў сярэдзіне ліпеня на занятых тэрыторыях Запарожскай і Херсонскай абласцей правялі закрытае сацыялагічнае апытанне аб тым, ці хочуць мясцовыя жыхары далучэння да Расіі.
Паводле яго вынікаў, за далучэнне выступілі каля 30%, столькі ж (ва ўмовах акупацыі) выказалася за захаванне абласцей у складзе Украіны. Астатнія «не змаглі адказаць».
Пры гэтым чыноўнікі не сумняюцца, што нягледзячы на нізкі ўзровень грамадскай падтрымкі, «рэферэндумы» «пройдуць як трэба».