Пад Брэстам з'явяцца высокатэхналагічныя цяпліцы, якія не маюць аналагаў у Беларусі
Будзе створана каля 400 новых працоўных месцаў.
Пра новы праект распавёў дырэктар ТАА «Цяплічны камбінат «Саюз» Андрэй Новік. Як паведамляе БЕЛТА, цяплічная гаспадарка будзе пабудаваная ў раёне мясцовай пляцоўкі «Аэрапорт» і зойме плошчу каля 40 га.
Цяпліцы пятага пакалення будуць аснашчаныя клімат-кантролем, які забяспечыць аптымальную тэмпературу для раслін (у межах +21 +23 градуса) цэлы год. Асноўнай прадукцыяй, якую будуць вырошчваць у цяпліцах, стануць агуркі і памідоры.