Для прыватных школ і дзіцячых садкоў увядуць абавязковае ліцэнзаванне і акрэдытацыю
Увосень Палата прадстаўнікоў плануе прыняць папраўкі ў заканадаўства аб ліцэнзаванні, у выніку якіх гэтая дзейнасць стане немагчымай без атрымання афіцыйнага дазволу на яе ажыццяўленне. А яшчэ раней — ужо з верасня бягучага года — Міністэрства адукацыі плануе ўвесці абавязковую дзяржаўную акрэдытацыю для такіх устаноў, заявіў міністр адукацыі Андрэй Іванец.
Год таму тагачасны міністр адукацыі Ігар Карпенка заявіў, што прыватныя дзіцячыя сады і школы сталі ў краіне «апорнымі пунктамі каляровай рэвалюцыі», а іх супрацоўнікі і кіраўнікі «апынуліся ў дэструктыўных арганізацыях».
Аляксандр Лукашэнка тады заявіў, што ў школах краіны трэба «навесці парадак, чаго б гэта ні каштавала».