У Брытаніі і ЗША заявілі, што наўмысная аварыя на Запарожскай АЭС будзе расцэненая як атака Расіі на НАТА

Заходнія чыноўнікі рэагуюць на напружаную сітуацыю вакол ЗАЭС.

«Любое наўмыснае пашкоджанне, што пацягне патэнцыйную ўцечку радыяцыі на ўкраінскім ядзерным рэактары, будзе парушэннем артыкула пяць НАТА», — напісаў у твітары брытанскі дэпутат, старшыня спецкамітэта па абароне ў Палаце грамад Тобіяс Элвуд.

Let’s make it clear now:

ANY deliberate damage causing potential radiation leak to a Ukrainian nuclear reactor would be a breach of NATO’s Article 5.@thetimes pic.twitter.com/FFv6KR1xdq

— Tobias Ellwood MP (@Tobias_Ellwood) August 19, 2022

Так ён пракаментаваў паведамленні ўкраінскага боку пра тое, што Расія нібыта плануе правакацыі на захопленай АЭС.

Элвуду адказаў член Палаты прадстаўнікоў Кангрэса ЗША Адам Кінзінгер: «Гэта нават не абмяркоўваецца. Любая ўцечка заб'е людзей у краінах НАТА. Гэта аўтаматычна артыкул пяць».

This really isn’t even up for debate. Any leak will kill people in NATO countries, that’s an automatic article 5

— Adam Kinzinger✌️ (@AdamKinzinger) August 20, 2022

У артыкуле пяць статута НАТА гаворыцца, што напад на аднаго з членаў альянсу прыраўноўваецца да нападу на ўвесь блок.

Каментары да артыкула