Польскі суд шукае 227-гадовую кабету
Раённы суд у польскім горадзе Быдгашчы (поўнач краіны) даў у мясцовую газету аб’яву, у якой заклікае пані Сафі Бом з’явіцца ў судовую інстанцыю. Бо, каі не прыйдзе, будзе прызнаная памерлай.
У аб’яве не было б кур’ёзу, калі б не факт, што Сафі Бом нарадзілася ў 1782 г.
У судовых дакументах яна лічыцца спадкаемцай буйнога надзелу зямлі і нерухомасці на адной з вуліц у цэнтры горада. На маёмасць прэтэндуюць далёкія спадкаемцы Сафі Бом. Каб зямля і дамы перайшлі ім, судовы орган мае вызнаць простага спадкаемцу памерлым.
Паводле юрыстаў, суд усё зрабіў адпаведна ўсім юрыдычным працэдурам.