Полк Каліноўскага папоўніўся новымі ваярамі
У склад Палка ўвайшла група беларускіх добраахвотнікаў, былых чальцоў «Антыаўтарытарнага атрада».
«З першых дзён поўнамаштабнай вайны атрад прымае ўдзел у баявых дзеяннях. Ідэя вызвалення Беларусі праз вызваленне Украіны аказалася тым аб'яднаўчым фактарам, які прывёў добраахвотнікаў з «Антыаўтарытарнага атрада» у Полк Каліноўскага», — гаворыцца ў паведамленні прэс-службы Палка.
Антыаўтарытарны атрад быў у складзе інтэрнацыянальнага антыаўтарытарнага аддзела тэрытарыяльнай абароны Кіеўскай вобласці. У асноўным гэта сябры розных анархісцкіх рухаў.