Сталі блакаваць сайт CityDog, які пісаў пра жыццё мінчукоў, актывістаў і гарадское асяроддзе
У Беларусі сталі блакаваць сайт CityDog.io. Ён перастаў адчыняцца ў мабільных аператараў life:), A1. У карыстальнікаў Белтэлекама сайт пакуль адчыняецца.
Галоўная старонка сайта Citydog.io
У абанентаў выскокваюць наступнае паведамленне.
life:)
A1
Рэдакцыя выдання піша, што пакуль не ведае прычын блакіроўкі.
«Магчыма, з-за нейкіх матэрыялаў або навін — для таго, каб ведаць афіцыйную прычыну, трэба атрымаць ліст ад Міністэрства інфармацыі Беларусі. Мы пакуль такога ліста не атрымлівалі», — зазначае выданне.
CityDog.io — сайт, які піша пра гарадское жыццё, вулічную моду, інтэр'еры кватэр.
Апроч гэтага, выданне шмат увагі надавала сацыяльным праблемам і актывізму. Пісала пра палітвязняў і іх сем’і, рэлакантаў і тых, хто, нягледзячы на рэпрэсіі, застаецца ў Беларусі.
Таксама на сайце з'яўляўся кантэнт па-беларуску: у тым ліку журналісты запусцілі праект з агучкай беларускамоўных артыкулаў для тых, хто кепска чытае па-беларуску.