Ва ўкраінскім Бярдзянску падарвалі штаб калабарантаў
У часова акупаваным Бярдзянску (Запарожская вобласць) прагрымеў выбух каля штаба калабаранцкай арганізацыі «Мы разам з Расіяй».
Каля штаба калабаранцкай арганізацыі «Мы разам з Расіяй», якая актыўна ўдзельнічае ў падрыхтоўцы да псеўдарэферэндуму, сёння раніцай нешта выбухнула. Інфармацыі аб пацярпелых няма», — гаворыцца ў паведамленні ўпраўлення стратэгічных камунікацый Узброеных сіл Украіны.
У выніку выбуху пашкоджаны фасад будынка, а таксама выбітыя шыбы. Ці быў хтосьці падчас выбуху ў будынку, пакуль невядома.
Нагадаем, 26 жніўня ў Бярдзянску адбыўся чарговы выбух. На гэты раз падарвалі аўтамабіль «намесніка начальніка ДАІ» Аляксандра Калеснікава. Ён памёр у бальніцы.
Пасля падрыву аўтамабіля і гібелі «намесніка начальніка ДАІ» акупанты зладзілі праверку ўсіх гараджан на ўездзе і выездзе з мікрараёна Слабодка.