Эстонскія візавыя цэнтры ўсё ж працягнуць працу
Сёння прайшла інфармацыя, што візавыя цэнтры Эстоніі прыпынілі прыём дакументаў у Беларусі. Але праблему, здаецца, удалося аператыўна вырашыць.
Ад Офіса Святланы Ціханоўскай прыйшла інфармацыя, што яго прадстаўнік у Эстоніі ўжо звязаўся з мясцовым МЗС і яго запэўнілі, што прыём дакументаў будзе адноўлены.
Праблема была, як сцвярджаецца, звязаная з затрымкай кантракту паміж МЗС Эстоніі і кампаніяй VHS Global, яна аператыўна вырашаная.