Белгідрамет абʼявіў чырвоны ўзровень небяспекі з-за рызыкі пажараў. У тым ліку і ў сталіцы
Белгідрамет выпусціў штармавое папярэджанне — абʼяўлены чырвоны ўзровень небяспекі на бліжэйшыя дні.
Заўтра, 4 верасня, на большай частцы Гомельскай вобласці чакаецца надзвычайная пажарная небяспека (5-ы клас).
Такая ж сітуацыя будзе ў панядзелак і аўторак, 5 і 6 верасня, на большай частцы Гомельскай і Мінскай абласцей, таксама і ў Мінску.
З-за засухі амаль па ўсёй краіне забароненае наведванне лясоў. Выключэнне — Мядзельскі, Навагрудскі і Браслаўскі раёны.