Пуцін прыгразіў закрыць украінскія парты са збожжам
Уладзімір Пуцін паставіў пад пытанне будучыню збожжавай здзелкі, заявіўшы, што яна не выконваецца на тых умовах, што абмяркоўваліся на перамовах.
Паводле яго слоў, вывезенае з Украіны збожжа павінна было адправіцца ў найбяднейшыя краіны, а замест гэтага сплыло ў Еўропу.
«Мы зрабілі ўсё, каб украінскае збожжа было вывезенае. Вынік: усё збожжа накіраванае не ў краіны, якія развіваюцца, а ў краіны ЕС. Нас і найбяднейшыя краіны, як у народзе кажуць, проста кінулі», — заявіў Пуцін на Усходнім эканамічным форуме.
Раней пра невыкананне здзелкі заявіў прадстаўнік Расіі ў ААН Васіль Нябензя