Камунальныя тарыфы для юрыдычных асоб прывязалі да курсу расійскага рубля
Беларусь перайшла на прывязку да курсу расійскага рубля пры індэксацыі тарыфаў на камунальныя паслугі для юрыдычных асоб. Адпаведны ўказ падпісаў Аляксандр Лукашэнка, паведаміла яго прэс-служба.
«У сувязі з пераходам на расійскія рублі ў разліках за газ, які набываецца ў Расійскай Федэрацыі, указам устаноўлена, што індэксацыя цэн на энергарэсурсы і тарыфаў на камунальныя паслугі ажыццяўляецца ў прывязцы не да курсу даляра ЗША, а да курсу замежнай валюты, якая выкарыстоўваецца пры разліках», — гаворыцца ў паведамленні.
Удакладняецца, што «паколькі цэны на газ у залежнасці ад курсу беларускага рубля да расійскага рубля ўстаноўленыя з 1 ліпеня 2022 года, гэты парадак індэксацыі таксама ўстанаўліваецца з гэтай даты».