Дызайнер Анатоль Лазар арыштаваны на 15 сутак
Пра гэта паведаміла Беларуская рада культуры.
Нагадаем, Лазара затрымалі днямі ў Мінску. Вядома, што дома ў яго адбыўся ператрус, забралі кампутар і тэлефон.
Анатоль Лазар, вядомы пад творчым псеўданімам Wiecier Mechaniczny, — сузаснавальнік і выдавец музычнага інтэрнэт-партала «Тузін Гітоў», быў партнёрам і кіраўніком мінскай студыі рэкламы і дызайну «Адліга».
Раней Анатоля ўжо затрымлівалі — у студзені 2021 года яго забіралі ў ДФР, нібыта каб праверыць, ці заплаціў ён падаткі.