Германія ўзяла пад свой кантроль нафтаперапрацоўчыя заводы «Раснефті»
Раней пад дзяржкантроль трапілі і актывы «Газпрама».
Урад Нямеччыны заявіў, што перадасць нямецкія даччыныя кампаніі «Раснафты» пад дзяржкіраванне. Асноўны актыў кампаніі — вялікі нафтаперапрацоўчы завод ў Шведце на ўсходзе Германіі. На заводы «Раснафты» прыпадала 12% нямецкай нафтаперапрацоўкі.
«Дзяржкіраванне мае на мэце процідзеянне пагрозе бяспецы энергазабеспячэння і закладвае важную аснову для захавання і будучыні Шведта», — заявіла Міністэрства эканомікі Нямеччыны ў пятніцу.
Гэты крок азначае эскалацыю эканамічнага супрацьстаяння з Расіяй. Гэта вялікі расійскі энергетычны актыў, які ўрад Германіі ўзяў пад свой кантроль пасля нападу Расіі на Украіну. У красавіку Берлін перадаў пад дзяржкіраванне нямецкі газавы бізнэс «Газпрама», Gazprom Germania GmbH.