У Гродне затрымалі Яўгена Юнцэвіча
У Гродне затрымалі вядомага моладзевага актывіста Яўгена Юнцэвіча, з ім з’явілася відэа на праўладных тэлеграм-каналах, піша «Вясна».
Названая сілавікамі прычына затрымання — нібыта Юнцэвіч зарэгістраваўся ў плане «Перамога» і распаўсюджваў «экстрэмісцкія матэрыялы». Верагодна, супраць яго распачатая крымінальная справа.
Яўген Юнцэвіч вядомы ўдзелам у розных грамадскіх ініцыятывах. Напрыклад, у 2018 годзе ён валанцёрыў у суполцы Grodno Travelers’ club.