Затрымалі пастара Антонія Бокуна
Пра затрыманне пастара паведаміў у фэйсбуку адзін з прыхаджан евангельскай царквы «Ян Прадвеснік» Дзяніс Садоўскі.
Антонія Бокуна затрымалі сёння ўдзень, прычыны затрымання пакуль што невядомыя. Ператрусу дома не праводзілі, але забралі тэхніку.
Магчыма, затрыманне можа быць звязанае з пазаўчарашнім затрыманнем у Мінску Вячаслава Ганчарэнкі — пастара іншай евангельскай царквы «Новае жыццё».
Мінская царква «Ян Прадвеснік» — адна з найбольш патрыятычных беларускіх пратэстанцкіх цэркваў, яна працуе па-беларуску і ўсяляк падтрымлівае нацыянальную мову і культуру.