ДАІ хоча забараніць рух электрасамакатаў у Верхнім горадзе па выхадных
Таксама аўтаінспекцыя хоча абмежаваць максімальную хуткасць у трох зонах Мінска.
У адной хуткасць электрасамакатаў, гіраскутараў і сігвэяў прапануецца абмежаваць 20км/г, у другой на іх можна будзе ездзіць не хутчэй за 15 км/г.
У трэцяй зоне — Верхнім горадзе — наогул забароняць перамяшчэнне на электрасамакатах і іншых сродках персанальнай мабільнасці з 20:00 пятніцы да 8:00 панядзелка.
Такую прапанову ў ДАІ тлумачаць вялікай колькасцю пешаходаў і вузкімі тратуарамі ў гэтым раёне.