Расійскія «рэферэндумы» скончыліся прагназаванымі вынікамі
Камісіі паслухмяна намалявалі як высокую яўку, так і ўражвальны ўзровень галасавання «за».
На фота з імітацыі падліку галасоў украінскія тэлеграм-каналы заўважылі, што многія бюлетэні нават не прыкладалі працы запоўніць
Паводле афіцыйных звестак, у «ДНР» за далучэнне да Расіі «прагаласавалі» 99,23% выбаршчыкаў, у «ЛНР» — 98,42%, у Запарожскай вобласці — 93,11%, у Херсонскай — 87,05%.
Найбліжэйшымі днямі варта чакаць, што расійскія дзяржаўныя органы адзін за другім будуць прызнаваць вынікі «волевыяўленняў» і задавальняць «просьбы» жыхароў акупаваных тэрыторый аб прыёме іх у Расію.
Хутчэй за ўсё, гэта адбудзецца падчас запланаванага Пуціным звароту да Федэральнага сходу 30 верасня. Пасяджэнне Савета Федэрацыі прызначана на 4 кастрычніка.
Пра міжнароднае прызнанне вынікаў гэтага «волевыяўлення» ніякай гаворкі не ідзе. Максімум, на каго Расія ў гэтым плане можа разлічваць — на цалкам залежных ад яе сатэлітаў кшталту Лукашэнкі ці самаабвешчаныя дзяржавы, прызнаныя толькі ёй самой, накшталт Абхазіі і Паўднёвай Асеціі.