Брытанская выведка: Украіна актывізуе наступ, Расія ўмацоўвае абарону
Украінскія ўзброеныя сілы актывізуюць наступ на паўночным усходзе краіны. Расія пры гэтым падрыхтоўвае больш устойлівую абарону, бо ўкраінскі наступ можа пагражаць часткам Луганскай вобласці, паведамляе брытанская выведка.
Фота: Мінабароны РФ
Акрамя таго, брытанская выведка пазначае ў чарговай справаздачы, што ўкраінскія сілы павольна прасоўваюцца як мінімум на двух кірунках на ўсход ад рэк Аскол і Северскі Данец.
Працягваюцца цяжкія баі ў Херсонскай вобласці.
Паводле звестак брытанскай выведкі, Расія працягвае «зацятыя спробы» прасунуцца ў раёне Бахмута, нягледзячы на тое, што сутыкаецца з сур'ёзным ціскам на сваіх паўночных і паўднёвых флангах. Разведка адзначае, што за гэтым можа стаяць палітычны ціск, бо Расія выкарыстоўвае вайсковыя сілы, якія маглі б узмацніць іншыя яе баявыя флангі.