Расійскія войскі абстралялі бальніцу ў Купянскім раёне, ёсць ахвяры
Пра моцны абстрэл бальніцы ў Купянскім раёне на Харкаўшчыне паведаміў кіраўнік Харкаўскай абласной дзяржаўнай адміністрацыі Алег Сінягубаў.
Вядома, што пры абстрэле загінуў лекар-анестэзіёлаг, адна медсястра параненая. Інфармацыя пра іншых пацярпелых яшчэ ўдакладняецца.
Будынак амаль цалкам разбураны з 1 па 4 паверх. На месцы працуюць ратавальнікі і праваахоўныя органы.