28 верасня мабілізаваліся, а ўжо 8 кастрычніка загінулі
На расійскіх мабілізаваных ужо ідуць «пахаронкі», хоць з часу абвяшчэння мабілізацыі не прайшло і месяца. Афіцыйна паведамілі пра гібель іх сваякоў сем'ям трох мабілізаваных з горада Кодзінска, а таксама Кежамскага і Багучанскага раёнаў Краснаярскага края.
Смерць 32-, 40— і 42-гадовага мужчын афіцыйна пацверджаная, сваякі загінулых атрымалі пахаванні 14 кастрычніка з рук мясцовага ваенкама.
Яшчэ некалькі сем'яў з Кодзінска ўжо 10 дзён нічога не чулі пра сваіх мабілізаваных сваякоў.
Вядома, што мужчыны загінулі 8 кастрычніка, а прызваныя былі 28 верасня, усяго за дзесяць дзён да таго. Гэта сведчыць пра тое, што іх кінулі ў бой фактычна без усялякай сур'ёзнай падрыхтоўкі.