Грамадзянін Украіны спрабаваў зрабіць падкоп пад беларуска‑польскую мяжу
Як паведамілі ў прэс‑цэнтры Дзяржаўнага пагранічнага камітэта, 59-гадовы мужчына без дакументаў быў затрыманы памежнікамі раніцай 3 кастрычніка каля населенага пункта Чыжэвічы ў Брэсцкім раёне. Ён спрабаваў зрабіць падкоп пад сігналізацыйным комплексам на беларуска‑польскай мяжы.
Затрыманы заявіў, што з’яўляецца ўкраінскім грамадзянінам без пэўнага месца жыхарства; у Польшчу збіраўся трапіць нібыта да сваякоў.
У ходзе разбору высветлілася, што ён сапраўды з’яўляецца грамадзянінам Украіны і неаднаразова затрымліваўся за парушэнне мяжы, у тым ліку ў Польшчы.