Ціханоўская наведае цырымонію ўручэння Нобелеўскай прэміі міру ў Осла
Святлана Ціханоўская наведае цырымонію ўручэння Нобелеўскай прэміі міру ў Осла. Пра гэта паведаміў «Позірку» дарадца беларускага дэмакратычнага лідара Франак Вячорка.
Цырымонія адбудзецца 10 снежня.
Сёлета Нобелеўская прэмія міру падзелена паміж беларускім праваабаронцам, палітвязнем Алесем Бяляцкім, украінскім Цэнтрам грамадзянскіх свабод і расійскім праваабарончым таварыствам «Мемарыял».
Нобелеўскі фонд праз уварванне РФ ва Украіну не запрасіў у гэтым годзе паслоў Беларусі і Расіі ў Швецыі на ўручэнне прэмій, а запрасіў Святлану Ціханоўскую.