У Пскоўскай вобласці ўзарваліся два верталёты Ка-52, якія былі на рамонце
Баявыя машыны знаходзіліся на тэрыторыі вайсковага аэрадрома недалёка ад расійска-латвійскай мяжы. Верталёты былі непрыдатныя для эксплуатацыі — яны знаходзіліся на рамонце, піша Baza.
Каля 22 гадзін вечара вайскоўцы часці пачулі некалькі выбухаў, а затым убачылі раскіданыя абломкі двух верталётаў. Выбух быў такой сілы, што абломкі фюзеляжа раскідала на 200 метраў вакол.
Па якой прычыне ўзарваліся Ка-52 — невядома.