Аграгарадок на Магілёўшчыне амаль месяц жыве без вадаправода
У аграгарадку Трылесіна Дрыбінскага раёна ўжо амаль месяц паўтары тысячы чалавек штодзень ходзяць па пітную ваду да прывазных бочак, якія устаноўленыя у шасці кропках аграгарадка, піша тэлеграм-канал «Беларусь за МКАДам».
Цэнтр Трылесіна. Фота: dribin.by
У гэтым даволі буйным населеным пункце ёсць вадаправод, але з таго моманту, як камунальнікі пачалі рамонт труб, вада стала непрыдатнай для выкарыстання.
Акрамя таго, з-за рамонту трубы сталі не вытрымліваць ціску, які даюць новыя помпы, і проста рвуцца, таму праблема толькі ўскладнілася.