Google заблакаваў YouTube-канал «БелРос». Мінінфарм супраць
Сёння стала вядома пра блакіроўку YouTube-канала «БелРос» — медыяпраекта так званай Саюзнай дзяржавы.
Міністэрства інфармацыі Беларусі адрэагавала на гэтую навіну: у сваім тэлеграм-канале запатрабавала ад Google тлумачэнняў па факце блакіроўкі. Яно палічыла «недапушчальным беспадстаўнае абмежаванне свабоды слова».
«Міністэрства інфармацыі мяркуе, што падобныя непрыязныя крокі з боку лічбавых карпарацый з'яўляюцца праявай нядобрасумленнай канкурэнцыі і ганебнай палітыкі падвойных стандартаў у інфармацыйнай сферы», — гаворыцца ў паведамленні.