Ва Украіне не знайшлі слядоў «бруднай бомбы»
Рада кіраўнікоў Міжнароднага агенцтва па атамнай энергіі (МАГАТЭ) прыняла 17 лістапада рэзалюцыю, у якой сказана, што ва Украіне не знайшлі слядоў вырабу «бруднай бомбы».
«Рада кіраўнікоў вітае ацэнку генеральнага дырэктара, што агенцтва не выявіла прыкмет незадэклараванай ядзернай дзейнасці або матэрыялаў, звязаных з распрацоўкай прылад для рассейвання радыяцыі («брудных бомбаў»), у трох месцах ва Украіне», — сказана ў дакуменце.
МАГАТЭ таксама заклікала Расію вывесці сваіх вайскоўцаў з тэрыторыі Запарожскай АЭС.