СБУ абшукала епархію УПЦ Маскоўскага патрыярхату і сцвярджае, што знайшла сведчанні здрады
Служба бяспекі Украіны абвясціла, што падчас ператрусаў у Чарнавіцка-Букавінскай епархіі УПЦ Маскоўскага патрыярхату знайшла шматлікія прыкметы датычнасці святароў да вядзення прарасейскай прапаганды і распачала справу аб дзяржаўнай здрадзе.
Фота СБУ
СБУ абвясціла ў пятніцу, што падчас ператрусу ў памяшканнях Чарнавіцкай-Букавінскай епархіі УПЦ (МП) у Чарнаўцах на Захадзе Украіны былі, у прыватнасці, знойдзеныя:
— перапіска кіраўніцтва епархіі з Масквой, у якой з Масквы, ад РПЦ, паступалі інструкцыі адносна таго, як апраўдваць напад Расеі на Украіну і распавядаць пра ўціск у дачыненні да УПЦ (МП);
— склады з пракрамлёўскай літаратурай;
— лічбавыя копіі пасведчанняў асоб, якія ваявалі супраць Украіны.
Калі менавіта адбыліся ператрусы, СБУ не ўдакладняе. На гэтым тыдні ведамства правяло ператрусы і ў сталічнай Кіева-Пячэрскай лаўры.
Следчымі заведзена крымінальная справа за крадзеж шляхам злоўжывання службовымі паўнамоцтвамі, здзейснены ў асабліва буйным памеры.