Страшнае ДТЗ пад Чавусамі: загінулі тры дзяўчыны. Малодшай было 19
Трагедыя здарылася ноччу 29 лістапада на дарозе Магілёў — Расна — Мсціслаў, паведамляе СК.
25-гадовая кіроўца «Аўдзі», праязджаючы скрыжаванне, не справілася з кіраваннем. Машына з'ехала ў кювет, урэзалася ў прыдарожнае дрэва і загарэлася.
Кіроўца і дзве пасажыркі легкавушкі (25, 19 і 24 гадоў) загінулі на месцы. 22-гадовую дзяўчыну выкінула з аўто, з траўмамі яна дастаўлена ў бальніцу.
На месцы працуюць следчыя. Працу каардынуе начальнік СК па Магілёўскай вобласці Уладзімір Шалухін.