Вынесены яшчэ адзін прысуд па садзейнічанні экстрэмісцкай дзейнасці
У Магілёўскім абласным судзе асудзілі палітзняволенага Віктара Дзіброва паводле ч. 1 арт. 361-4 (садзейнічанне экстрэмісцкай дзейнасці) Крымінальнага кодэкса. Суддзя Ігар Зямцоў прызначыў Віктару 2 гады і 6 месяцаў пазбаўлення волі ў калоніі ва ўмовах агульнага рэжыму, паведамляе «Вясна».
Віктар Дзіброў быў затрыманы на пачатку жніўня 2022 года за каментар, у якім ён абразіў Лукашэнку. За гэта была заведзена крымінальная справа паводле арт. 368 Крымінальнага кодэкса.
У кастрычніку 2022 года палітвязня перавялі з бабруйскага СІЗА-5 ў магілёўскую СТ № 4.
29 лістапада 2022 года ў закрытым рэжыме распачаўся разгляд ягонай справы. Паводле інфармацыі праваабаронцаў, у выніку яго судзяць паводле арт. 361-4 КК за садзейнічанне экстрэмісцкаму фарміраванню.
Судовае пасяджэнне праходзіла ў закрытым рэжыме, таму падрабязнасцяў справы няма. Пра Віктара вядома, што ён сірата.
Падтрымайце палітвязня: Турма № 4. 212011, г. Магілёў, вул. Крупскай, 99А (Віктар Пятровіч Дзіброў)