Узбекістан і Казахстан адмовіліся ўступаць у «газавы саюз», прапанаваны Пуціным
У канцы лістапада на сустрэчы з прэзідэнтам Казахстана Такаевым Пуцін агучыў прапанову стварыць газавы саюз Расіі, Казахстана і Узбекістана. Прычым саюз назваў траістым.
У Казахстане адразу адпрэчылі гэтую прапанову і патлумачылі, што не дазволяць выкарыстоўваць сваю тэрыторыю для абыходу заходніх санкцый. Цяпер ад такога саюзу адмовіўся і Узбекістан.
«Узбекістан мае намер імпартаваць газ і электраэнергію з суседніх краін на аснове камерцыйных кантрактаў, а не праз нейкі альянс або саюз», — заявіў Reuters віцэ-прэм'ер, міністр энергетыкі краіны Журабек Мірзамахмудаў.