Паўтара года за «3 %»
У судзе Докшыцкага раёна 28 лістапада асудзілі 19-гадовага Аляксандра Сініцу паводле арт. 341 (апаганьванне будынкаў і псаванне маёмасці) Крымінальнага кодэкса. Суддзя Вячаслаў Елісеенка прызначыў хлопцу 1,5 года калоніі ва ўмовах агульнага рэжыму, паведамляе «Вясна».
Як паведамляе дзяржаўная раёнка «Родныя вытокі», у канцы жніўня Аляксандр нанёс чырвонай васкавой крэйдай на сцяну крамы «Удобный» пратэсны надпіс. Па інфармацыі праваабаронцаў, гэта быў надпіс «3 %». Суд палічыў гэта «наўмысным пашкоджаннем кавалка сцяны».