У Баранавіцкім раёне машына сарвалася з дамкрата і забіла гаспадара
Днямі 41-гадовы мужчына прыехаў у бацькоўскі дом у в. Арабоўшчына. У гаражы дома ён вырашыў памяняць падвеску ў сваім аўтамабілі, паведамляе міліцэйскі тэлеграм-канал.
Мужчына паставіў машыну толькі на дамкрат (пры гэтым не выкарыстоўваў дадатковыя сродкі) і залез пад аўто, аднак апора не вытрымала і машына саскочыла проста на кіроўцу.
У гэты час у двор выйшаў 10-гадовы сын загінулага. Хлопчык убачыў, што бацьку прыціснула машынай, і хутка паклікаў дарослых.
Аднак брыгада хуткай дапамогі не змагла дапамагчы мужчыну, ад атрыманых траўмаў ён памёр.