Фонд Kamunikat выдаў да Каляд яшчэ дзве кнігі Уладзіміра Арлова
Гэтым разам перавыдадзены кнігі «Пакуль ляціць страла. 100 пытанняў пісьменніку» і «Апоўначы ў лонданскім доме. Балады». Пра гэта фонд напісаў на сваёй старонцы ў фэйсбуку.
Ужо выдадзеныя раней кнігі:
— «Ордэн Белай Мышы. Выбраная проза»,
— «Каханак яе вялікасці. Гістарычныя проза»,
— «Танцы над горадам. Проза апошніх гадоў»,
— «Незалежнасць — гэта… Выбраныя эсэ»,
— «Паром праз Ла-Манш. Вершы».
«Такім чынам, на працягу чатырох месяцаў (першая кніга «Ордэн Белай Мышы» выйшла да дня народзінаў аўтара напрыканцы жніўня гэтага года) фонд Kamunikat.org выдаў 7 (sic!) кніг аднаго з найбольш вядомых беларускіх пісьменнікаў. Там і культавая проза, і гістарычныя проза, і эсэ, і вершы, і балады!» — напісалі ў фондзе.
Кнігі можна замовіць на сайце.