На Камчатцы вайсковец атрымаў рэальны тэрмін за адмову ваяваць ва Украіне
Гарнізонны ваенны суд у Петрапаўлаўску-Камчацкім прызнаў вайскоўца Аляксея Брэўсава вінаватым у адмове ўдзельнічаць у баявых дзеяннях ва Украіне.
Як паведамляюць мясцовыя СМІ, яшчэ 6 кастрычніка Брэўсаў быў мабілізаваны, але адмовіўся падпарадкавацца загаду камандзіра і адправіцца на вайну, «усведамляючы абвешчаную мабілізацыю».
У выніку Аляксей быў асуджаны па арт. 322 (ч. 2) Крымінальнага кодэкса (адмова ад удзелу ў ваенных або баявых дзеяннях) і прысуджаны да 20 месяцаў пазбаўлення волі ў калоніі-пасяленні.
Удакладняецца, што прысуд яшчэ не набыў моц, паколькі Брэўсаў абскардзіў яго ў Ціхаакіянскім флоцкім судзе.