У святочныя дні ў Мінску будуць працаваць 168 брыгад хуткай дапамогі
Непасрэдна ў месцах масавых гулянняў — 30 брыгад.
Пра гэта распавёў сёння Сяргей Падкавыраў — начальнік упраўлення арганізацыі медыцынскай дапамогі камітэта па ахове здароўя Мінгарвыканкама.
У дні навагодніх святаў у Мінску працуюць 168 брыгад хуткай дапамогі. Непасрэдна ў месцах масавых гулянняў — 30.
У саму ж навагоднюю ноч сачыць за самаадчуваннем мінчан і гасцей сталіцы на святочных пляцоўках масавых гулянняў будуць 8 карэт: тры машыны ля Палаца спорту, па адной — ля «Чыжоўка-Арэны», Камароўскага рынку, Лядовага палаца, мінскага Палаца культуры, парку імя Паўлава.
Яшчэ 4 брыгады будуць у рэзерве.