Украінскія ратавальнікі на ўсялякі выпадак эвакуявалі з Данбаса янота
Пра эвакуацыю звера, які ад нядаўняга часу стаў сімвалічным, паведаміла ў сваім тэлеграм-канале Дзяржаўная служба надзвычайных сітуацый Украіны.
«Не… Не… не! Гэта не скрадзены акупантамі янот з Херсона! Гэта янот з Данбаса, дзе нашы ратавальнікі дапамагаюць эвакуявацца ў больш бяспечныя рэгіёны Украіны не толькі мірным грамадзянам, але і пухнацікам», — падпісалі ратавальнікі фота.
Янот стаў папулярнай і сімвалічнай ва Украіне (і не толькі) жывёлінай пасля таго, як расійскія акупанты, вымушана адступаючы з украінскага Херсона, вывезлі адтуль разам з іншай нарабаванай маёмасцю і гадаванца з мясцовага заапарка. Гэты задакументаваны выпадак стаў шырокавядомы і паслужыў крыніцай для шматлікіх мемаў.