Wyborcza назвала Калеснікаву і Пачобута сярод герояў 2022 года
Польская Gazeta Wyborcza ўключыла беларускіх палітвязняў Марыю Калеснікаву і Андрэя Пачобута ў спіс герояў 2022 года.
Марыя Калеснікава
«Чырвоная памада, шырокая ўсмешка і бляск у вачах. Такой запомнілі Марыю Калеснікаву з Мінска і такую яе сёння можна ўбачыць на рэдкіх фотаздымках, зробленых падчас сустрэч з блізкімі. Адна з лідарак беларускай апазіцыі кожны дзень даказвае свету, што сярод нас ёсць людзі, якіх не можа зламаць ніводны дыктатар», — гаворыцца пра Марыю Калеснікаву, асуджаную на 11 гадоў калоніі.
«Наш журналіст, апазіцыянер, які змагаецца ў Беларусі за свабоду і дэмакратыю. Ён знаходзіцца ў турме амаль два гады, і на патрабаванні свету аб яго вызваленні Аляксандр Лукашэнка, пабрацім Пуціна, застаецца сляпым і глухім», — пішацца пра Андрэя Пачобута.