Кампанія Grundfos прадае свае актывы ў Беларусі і Расіі
Адзін з найбуйнейшых сусветных вытворцаў помпавага абсталявання, дацкая кампанія Grundfos прадае свае актывы ў Расіі і Беларусі мясцоваму кіраўніцтву, паведаміла агенцтва Ritsaus Bureau.
Фота: Wikimedia Commons
Пры гэтым правы на інтэлектуальную ўласнасць, уключаючы права выкарыстання брэнда Grundfos, у здзелку не ўваходзяць.
Адзначаецца, што працэс перадачы актываў павінен быць зацверджаны рэгуляцыйнымі органамі зацікаўленых краін, уключаючы рэгулятараў Еўрасаюза, у першым квартале 2023 года.
Кампанія Grundfos абвясціла аб сыходзе з расійскага і беларускага рынкаў у жніўні 2022-га.