У Жыткавіцкім раёне перакуліўся мікрааўтобус. Пацярпелі дзве пасажыркі
Здарэнне адбылося 9 студзеня на 170-м кіламетры трасы Мінск — Мікашэвічы.
Фота: УДАІ УУС Гомельскага аблвыканкама
30-гадовы кіроўца мікрааўтобуса «Мэрсэдэс-Бенц Спрынтар» выбраў небяспечную хуткасць руху, не ўлічыў умовы надвор'я і не справіўся з кіраваннем. У выніку мікрааўтобус з'ехаў у кювет і перакуліўся.
У ДТЗ траўмы атрымалі дзве пасажыркі 55 і 44 гадоў. Іх шпіталізавалі ў хірургічнае аддзяленне раённай бальніцы.