У Крамлі пачалі падрыхтоўку да пераабрання Пуціна
Крыніцы выдання «Камерсант» паведамілі, што ўнутрыпалітычны блок Крамля ўжо пачаў падрыхтоўку да прэзідэнцкіх выбараў 2024 года, зыходзячы з таго, што яны пройдуць у запланаваныя тэрміны і пры ўдзеле Пуціна.
Па словах крыніц «Камерсанта», прадстаўнікі Адміністрацыі прэзідэнта Расіі нядаўна праводзілі адпаведныя кансультацыі з экспертнай супольнасцю. Пакуль выразных контураў ідэалагічнага складніка яшчэ няма, хаця мяркуецца, што ён будзе грунтавацца на тэме адзінства.
Некаторыя тэхналагічныя і ідэалагічныя ідэі плануюць пратэсціраваць на рэгіянальных выбарах у верасні 2023 года.
Выбары прэзідэнта Расіі запланаваныя на 17 сакавіка 2024 года.