У цырку Бішкека мядзведзь задраў чалавека
Мядзведзь быў застрэлены супрацоўнікамі міліцыі.
У сталіцы Кыргызстану мядзведзь напаў на людзей у дзяржаўным цырку рэспублікі. У гэты момант на сцэне праходзіла рэпетыцыя прадстаўлення расейскай трупы.
Па словах супрацоўнікаў хуткай дапамогі, ад атрыманых падчас нападу жывёлы «несумяшчальных з жыццём траўмаў» памёр 25‑гадовы адміністратар цырка Дзмітрый Патапаў. З шматлікімі раненнямі галавы, плечаў, бёдраў і страсеннем галаўнога мозгу шпіталізаваны 29‑гадовы Дзмітрый Папоў. Ўрачы цяпер аказваюць яму экстраную дапамогу.
Мядзведзь быў застрэлены супрацоўнікамі міліцыі.