Перад сустрэчай з Пуціным знік губернатар Валгаградскай вобласці
У Валгаградзе сёння прайшоў парад у гонар 80-й гадавіны перамогі ў Сталінградскай бітве, аднак на мерапрыемстве не было губернатара вобласці Андрэя Бачарова. Ён, як піша мясцовае выданне V1.ru, знік з інфармацыйнага поля 24 студзеня. Усе дакументы падпісваюць яго намеснікі.
Уладзімір Бачароў
Па версіі V1.ru, Бачароў знаходзіцца на каранціне перад візітам Уладзіміра Пуціна. Прэзідэнт Расіі прыедзе ў Валгаград толькі на адзін дзень, 2 лютага.
Пасля пачатку пандэміі каранавіруса Уладзімір Пуцін рэзка скараціў колькасць кантактаў, а людзей пачалі адпраўляць на каранцін. Прадстаўнікоў іншых краін перад сустрэчай з Пуціным абавязвалі здаваць тэсты — Аляксандр Лукашэнка здаваў іх больш за 70 разоў. Тых, хто адмаўляўся, падчас сустрэч з Пуціным саджалі за іншы край стала даўжынёй у некалькі метраў.