ЭЗ патрабуе ад Менску «неадкладнага тлумачэньня» ў справе дыплямата
Цяперашняе фінскае кіраўніцтва Эўразьвязу выказала незадаволенасьць захадамі афіцыйнага Менску ў дачыненьні да латвійскага дыплямата.
Цяперашняе фінскае кіраўніцтва Эўразьвязу выказала незадаволенасьць захадамі афіцыйнага Менску ў дачыненьні да латвійскага дыплямата.
На мінулым тыдні беларускія ўлады санкцыянавалі ператрус у кватэры другога сакратара амбасады Латвіі ў Менску Рэйма Шмітса й абвінавацілі яго ў распаўсюдзе парнаграфічнай прадукцыі.
Як вынікае з прынятай учора ў Хэльсынкі заявы, у дыпляматычным скандале паміж Латвіяй і Беларусьсю, што распаліўся ў выніку памянёных падзей, ЭЗ займае пазыцыю Рыгі.
Прэзыдэнцтва ЭЗ, гэтак жа як і МЗС Латвіі, бачыць у дзеяньнях беларускіх уладаў парушэньне Венскай канвэнцыі 1961 году й патрабуе ад Менску як «неадкладнага тлумачэньня», гэтак і выкананьня сваіх міжнародных абавязаньняў.