У Пінску фотаздымкі нядбайных бацькоў павесілі ў крамах
Плакаты з выявамі нядбайных бацькоў вывесілі ў пінскіх прадуктовых крамах. Акрамя фотаздымкаў правапарушальнікаў, на плакатах указаны іх хатні адрас.
Такім чынам, праз псіхалагічны ціск, мясцовыя ўлады спадзяюцца спагнаць з гэтых людзей грошы на ўтрыманне іх дзетак.
Нагадаем, у Пінску сёлета сабралі толькі 50% ад сумы, налічанай за ўтрыманне дзяцей , якія знаходзяцца ў апякунскіх або прыёмных сем’ях і ў дзіцячым прытулку. Усяго ў горадзе зарэгістравана 232 асобы, якія не жадаюць належным чынам выхоўваць сваіх дзяцей.