Забіты кувалдай былы баец ПВК «Вагнер» Дзмітрый Якушчанка быў, магчыма, сярод палонных, якіх абмянялі ва Украіне
Фота з аўтобуса з расійскім вайскоўцам пасля абмену публікуе канал @bazabazon. Мінабароны выпусціла ролік з вяртаннем расійскіх ваеннапалонных дадому 1 снежня.
Тады ж тэлеканал RT паказаў інтэрвʼю з чалавекам, падобным да 44-гадовага Якушчанкі.
Сёння расійскі тэлеграм-канал, блізкі да вагнераўцаў, апублікаваў відэа з пакараннем смерцю Якушчанкі кувалдай. На роліку мужчына сцвярджае, што «знаходзіўся на вуліцы Дняпра» і атрымаў удар па галаве, пасля чаго апрытомнеў у гэтым склепе.
Падобная гісторыя была і з раней забітым экс-байцом «Вагнера» Яўгенам Нужыным. Той таксама казаў, што быў выкрадзены на вуліцы ў Кіеве, аднак затым высветлілася, што ён трапіў у Расію ў выніку абмену.