У Мінску на пераходзе легкавік збіў пешахода. Ён памёр у бальніцы
Аўтамабіль збіў мужчыну ў Мінску. Ад атрыманых траўмаў пешаход памёр у бальніцы, паведамілі ў прэс-службе МУС.
Фота: МУС
Здарэнне адбылося раніцай 12 лютага. 33-гадовая кіроўца «Джылі» паблізу дома №52 па вуліцы Варанянскага здзейсніла наезд на 64-гадовага пешахода, які перасякаў праезную частку па нерэгуляваным пешаходным пераходзе.
У выніку наезду мужчына атрымаў цяжкія траўмы і быў дастаўлены ў бальніцу, дзе ў 14:40 памёр.