Польскі чыноўнік пра магчымасць закрыцця мяжы: Урад прыме цяжкія рашэнні, калі не будзе іншых варыянтаў
Польшча прыме «неабходныя рашэнні», калі гэта будзе «апраўдана і неабходна», заявіў прэс-сакратар польскага міністра — каардынатара спецслужбаў Станіслаў Жарын, гаворачы пра магчымасць поўнага закрыцця Польшчай мяжы з Беларуссю.
«Я не хачу вырашаць гэтае пытанне, — зазначыў Жарын у інтэрв'ю Polskie Radio 24. — Рашэнне запатрабуе аналізу розных фактараў і наступстваў, але неабходныя рашэнні будуць прынятыя.
Урад мае намер прымаць цяжкія рашэнні, калі ўмовы не дапускаюць іншых варыянтаў».
«Відавочна, што пры прыняцці найбольш важных рашэнняў Крэмль аказвае ўплыў на дзеянні Мінска, — заявіў Жарын. — Гэта прывяло да міграцыйнага крызісу на мяжы з Беларуссю, што адпавядае інтарэсам Расіі. Паводзіны беларускіх улад — неад’емная частка дзеянняў Расіі супраць Польшчы».